కందనవోలు కర్నూలు
కర్నూలు జిల్లా పోలీసు శాఖలో పరిపాలనా కారణాలతో పలు బదిలీ ఉత్తర్వులు జారీ అయ్యాయి. చిప్పగిరి పోలీస్ స్టేషన్కు చెందిన ఇద్దరు పోలీస్ కానిస్టేబుళ్లు, అలాగే ఇద్దరు సబ్ ఇన్స్పెక్టర్లు వీఆర్ (వాహన రిజర్వ్,డిస్ట్రిక్ట్ ఆర్మ్డ్ రిజర్వ్) కర్నూలుకు బదిలీ అయ్యారు.
చిప్పగిరి పోలీస్ స్టేషన్లో విధులు నిర్వహిస్తున్న పోలీస్ కానిస్టేబుళ్లు ఎస్. షబ్బర్ బాషా (జి.నెం.3124), ఎన్. రామోజీ (జి.నెం.856)లను పరిపాలనా కారణాలతో తదుపరి ఉత్తర్వులు వచ్చే వరకు వీఆర్, కర్నూలుకు తీసుకువచ్చినట్లు జిల్లా పోలీసు కార్యాలయం వెల్లడించింది.
ఈ మేరకు ఆలూరు సర్కిల్ ఇన్స్పెక్టర్ వారికి తక్షణమే విధుల నుంచి రిలీవ్ చేసి, డీఏఆర్ కర్నూలులోని రిజర్వ్ ఇన్స్పెక్టర్ (అడ్మిన్) ముందు హాజరుకావాలని ఆదేశించారు. వారు విధుల్లో చేరిన తేదీలను జిల్లా పోలీసు కార్యాలయానికి తెలియజేయాలని రిజర్వ్ ఇన్స్పెక్టర్కు సూచించారు.
అదేవిధంగా, చిప్పగిరి పోలీస్ స్టేషన్కు చెందిన సబ్ ఇన్స్పెక్టర్ బి. సతీష్కుమార్, పత్తికొండ యూపీఎస్కు చెందిన సబ్ ఇన్స్పెక్టర్ ఆర్. విజయ్కుమార్లను కూడా పరిపాలనా కారణాలతో వీఆర్ కర్నూలుకు బదిలీ చేస్తూ ఉత్తర్వులు జారీ అయ్యాయి.
ఆలూరు సర్కిల్ ఇన్స్పెక్టర్, పత్తికొండ యూపీఎస్ ఇన్స్పెక్టర్లు సంబంధిత ఎస్సైలను తక్షణమే రిలీవ్ చేసి, కర్నూలులోని డీఎస్బీ–1 ఇన్స్పెక్టర్ ముందు హాజరుకావాలని ఆదేశించారు. వారు విధుల్లో చేరిన వివరాలను జిల్లా పోలీసు కార్యాలయానికి తెలియజేయాలని డీఎస్బీ–1 ఇన్స్పెక్టర్కు స్పష్టం చేశారు.
ఈ బదిలీలు పూర్తిగా పరిపాలనా అవసరాల దృష్ట్యా చేపట్టినట్లు పోలీసు వర్గాలు వెల్లడించాయి.