కందనవోలు పాములపాడు
పాములపాడు మండలం జూటూరు గ్రామ పొలిమేరలో బాణకచెర్ల గ్రామానికి చెందిన రత్నమయ్య నూతనంగా ఏర్పాటు చేసిన పెట్రోల్ పంప్ను బుధవారం ఘనంగా ప్రారంభించారు. ఈ కార్యక్రమానికి నందికొట్కూరు నియోజకవర్గ నాయకులు మాండ్ర శివప్రసాద్ రెడ్డి ముఖ్య అతిథిగా హాజరై, రిబ్బన్ కత్తిరించి పంప్ను ప్రారంభించి ఇంధన సేవలను అందుబాటులోకి తెచ్చారు.రైతులకు, ప్రయాణికులకు ఊరట ఈ సందర్భంగా నిర్వహించిన కార్యక్రమంలో నిర్వాహకులు రత్నమయ్య మాట్లాడుతూ.. స్థానిక రైతులు, వాహనదారుల సౌకర్యార్థం అత్యాధునిక ప్రమాణాలతో ఈ పెట్రోల్ పంప్ను ఏర్పాటు చేసినట్లు తెలిపారు. జిల్లా స్టాఫ్ రిపోర్టర్ విశేషాలను సేకరిస్తూ, జూటూరు మరియు పరిసర గ్రామ ప్రజలకు ఈ పెట్రోల్ పంప్ అందుబాటులోకి రావడం వల్ల రవాణా పరంగా ఎదురవుతున్న ఇబ్బందులు తొలగిపోతాయని పేర్కొన్నారు.నాణ్యమైన సేవలు అందించాలి.ముఖ్య అతిథి మాండ్ర శివప్రసాద్ రెడ్డి మాట్లాడుతూ.. రైతులకు సాగు పనుల సమయంలో ఇంధనం కోసం దూర ప్రాంతాలకు వెళ్లే శ్రమ ఈ పంప్ ద్వారా తప్పుతుందని, ఎల్లప్పుడూ నాణ్యమైన ఇంధనాన్ని సరసమైన ధరలకే అందించాలని కోరారు. ఈ కార్యక్రమంలో నిర్వాహకులు రత్నమయ్య, వారి కుటుంబ సభ్యులు మరియు స్థానిక గ్రామ ప్రముఖులు, పెద్ద సంఖ్యలో గ్రామస్తులు పాల్గొన్నారు.